Kuçi: PDK është e para, zgjedhjet nuk do t’na lëkundin

Zëvendëskryeministri i Kosovës, Hajredin Kuçi, theksoi se Partia Demokratike e Kosovës është partia e parë në Kosovë, dhe sipas tij, zgjedhjet nacionale nuk do ta lëkundin këtë pozicion.

Kuçi tha se PDK-ja do të angazhohet të ketë besimin e qytetarëve edhe në të ardhmen.

“Mbajtja e zgjedhjeve nacionale duhet të jetë në përputhje me interesat e vendit dhe në përputhje me Kushtetutën e Kosovës dhe normat demokratike”, tha Kuçi për Telegrafin.

Këto komente të Kuçit vijnë pasi AAK po kërkon mundësitë për ta rrëzuar Qeverinë Thaçi. Deputeti i Aleancës për Ardhmërinë e Kosovës, Burim Ramadani, ka thënë se partia e tij është e bindur se iniciativa për ta rrëzuar qeverinë e kryeministrit Thaçi do të ketë sukses dhe do të realizohet qysh në javën e ardhshme. /Telegrafi/