Kuçi: Marrëveshja PDK-LDK ka hequr traumat e zgjedhjeve

Nënkryetari i PDK’së, Hajredin Kuçi ka komentuar marrëveshjen e fundit mes PDK’së dhe LDK’së që zgjedhjet të mbahen në muajin qershor të këtij viti.

Kuçi ka thënë se marrëveshje mes Thaçit e Mustafës ka ndikuar që të largohet trauma e zgjedhjeve në Kosovë.

“Mendoj se marrëveshja e djeshme që është arritur në mes të PDK’së dhe LDK’së ka hequr atë logjikën e traumave në Kosovë”, ka thënë ai.

Marrëveshja mes PDK’së dhe LDK’së është bërë një ditë pas nismës së AAK’së për rrëzimin e Qeverisë, e cila nuk mori përkrahjen as të LDK’së e Vetëvendosjes, transmeton express.

Sidoqoftë, Hajredin Kuçi mendon se para zgjedhjeve të shpejta, Kosova ka nevojë për zgjedhje demokratike.

“Kosova ka nevojë për zgjedhje fer, të lira dhe demokratike – të përgaditura mirë – me vëzhgues vendor dhe ndërkombëtarë”, ka shtuar ai.