Kthimi i Prekazit në Stamboll – aty ku një rrugë mban emrin e tij

Pasi merr hov disa hapa, godet fuqishëm me këmbën e majtë, ndërsa topi ngrihet rreth 1 metër mbi tokë dhe shkon drejt në këndin e majtë të portës së Monacos.

Për këtë gol të realizuar nga rreth 40 metra largësi, në çerekfinale të Kupës së Evropës, Xhevat Prekazi mbahet mend në Turqi.

Ai në Turqi, sidomos nga tifozët e Galatasarayt, mbahet mend edhe për shumë gola e veprime të tjera të realizuara me fanellën e këtij klubi, që është më i madhi në këtë vend.

Prekazi tani 56-vjeçar llogaritet ndër lojtarët e mëdhenj të Galatasarayt. Te ky klub pritet të kthehet së shpejti, në një funksion të rëndësishëm.

Prekazi ka lindur në Mitrovicë, por aktualisht jeton në Beograd. Është trajner i pionierëve në shkollën e futbollit të klubit OFK Beograd.

Karrierë si lojtar ka bërë edhe te Partizani i Beogradit e Hajduku i Splitit. Por askund nuk respektohet si te Galatasaray. Prekazi kohë më parë ka zhvilluar biseda me drejtues të këtij klubi për të marrë detyrën e drejtorit të Akademisë së klubit. Ishin vetë drejtuesit e kampionit në fuqi të Galatasarayt që i bënë ofertën… (“Koha Ditore”)