Kryetari i Komunës ka shpenzuar 100 milionë euro pa rezultate të dukshme

Gjilan – Lëvizja Qytetare “Vatra”, si forcë politike e përgjegjshme dhe në interes të qytetarëve të Gjilanit, shpreh shqetësimin e saj të thellë lidhur me menaxhimin jo të mirë të financave publike nga ana e kryetarit të komunës z.Alban Hyseni. Sipas të dhënave zyrtare, gjatë mandatit të tij janë shpenzuar mbi 100 milionë euro, por për fat t ë keq, këto mjete nuk janë reflektuar në projekte konkrete dhe të prekshme për qytetarët. Përkundrazi, qyteti vazhdon të përballet me mungesë të investimeve në infrastrukturë, shërbime publike të dobëta dhe zhvillim të pamjaftueshëm ekonomik.

Inkurajojmë qytetarët që të jenë aktivë dhe të kërkojnë llogaridhënie për çdo euro të buxhetit të komunës, sepse këto para janë të taksapaguesve dhe duhet të shërbejnë për zhvillimin e Gjilanit.

Lëvizja Qytetare “Vatra”, do të vazhdojë të mbetet në krah të qytetarëve, duke mbrojtur interesat e tyre dhe duke kërkuar qeverisje të përgjegjshme./rajonipress/