Kryeministri Thaqi priti përfaqësues të Medvegjës dhe të SHH «Medvegja»

Selmani, përcolli edhe përshëndetjen e kryetarit të shoqatës Zenel Neziri, e gjthë kryesisë dhe anëtarëve të kësaj shoqate, që qeveria e Kosovës, të jetë edhe më e angazhuar për Medvegjë, e cila dihet, se në çfarë situate është.

Kryeministri i Kosovës Hashim Thaçi, i shoqëruar me zv.kryeministrin Hajredin Kuqi, njëherit ministër i Drejtësisë, priti në një takim miqësorë në zyret e tija, një delegacion të Shoqatës Humanitare «Medvegja» me seli në Fully të Zvicrës, në përbërje prej Ismet Selmanit ish kryetar e veprimtarë, Fadil Selmani sekretar, të shoqëruar nga zëvendëskryetari i Kuvendit Komunal të Medvegjës Fehmi Beha, njëherit kryetar i degës së PVD-së në Medvegjë, Profesor Rexhep Abazi, kryetar i degës së UDSH-së në Medvegjë, veprimtarë i palodhur nga Medvegja, si dhe Agim Ajeti, poashtu një veprimtarë i pandalshëm për çështjen kombëtare.

Edhe pse ditë pushimi, me që është e diele, kryeministri Thaçi, gjeti kohën për të bashkëbiseduar me prijësit e kësaj shoqate, që kanë dhënë kontribut të çmuar nëpër periudha të ndryshme kohore për të mirën e atdheut, e në veçanti të Kosovës, ku sipas proçesverbaleve, që ka kjo shoqatë dhe të cilat janë të publikuara tash më në Monografinë e botuar «30 vjet në shërbim të kombit», për Kosovën kanë dhënë jo më pak, se mbi pesë milion franga. Shoqatë, që nuk është ndalur që nga fillimi dhe nuk po ndalet edhe sot e kësaj dite. Kryeministri Thaçi e përgëzoi këtë shoqatë për punën e saj bëmirëse, që e ka bërë, por edhe për një unitet, që e kanë nëmes veti si kryesi. Ai ndër të tjera, tha, se është i njoftuar shumë mirë, me gjithë punën që ka bërë kjo shoqatë me kryesinë e saj e kryesitë e kaluara dhe anëtarët besnik që i ka. Z.Thaçi, tha, se ne u jemi mirënjohës edhe juve, por edhe gjithë diasporës shqiptare, për ndihmat, që iu kanë bërë Kosovës.

Beha, e njoftoi kryeministrin dhe zv.kryeministrin, për takimin e së enjtës në Tupallë të Medvegjës, pra të një majit, që në praninë e mbi 500 bashkëkombasve nga Medvegja, diaspora, por edhe Kosova e Lugina, pa përjashtuar edhe vëllezër nga Maqedonia, mbajtën takimet e vendlindjes, që janë takime tradicionale dhe ngritën flamurin pas 32 vjetëve. Takim, që u organizua falë një bashkëpunimi të faktorit politikë shqiptarë në Medvegjë dhe Shoqatës Humanitare «Medvegja». Ky takim ishte historikë dhe do të kujtohet përgjithmonë, në të cilën morën pjesë edhe personalitete të ndryshme nga Kosova e Lugina e Preshevës.

Gjithashtu, Beha, e njoftoi kryeministrin Thaqi dhe zv.kryeministrin Kuçi, për situatën aktuale në Medvegjë. Në emër të kryesisë së SH.H «Medvegja» në Zvicër, fjalën përshëndetëse e mori Fadil Selmani sekretar, i cili në pika të shkurtërta foli për gjihë kontributin e dhënë të shoqatës para pavarësisë së Kosovës, gjatë luftës, pas luftës dhe sot e kësaj dite. Z.Selmani, përcolli edhe përshëndetjen e kryetarit të shoqatës z.Zenel Neziri, e gjthë kryesisë dhe anëtarëve të kësaj shoqate, që qeveria e Kosovës, të jetë edhe më e angazhuar për Medvegjë, e cila dihet se në çfarë situate është.

Edhe profesor Abazi, si dhe Agim Ajeti, folën për disa pika interesante, që janë emergjente për Medvegjë e me rrethinë. Vlenë të përmendet, se si asnjëherë më parë, faktori politikë lokal në Medvegjë, është i bashkuar me gjithë veprimtarët e saj kudo që janë, e si po shihet, kontribut të madh në këtë drejtim ka dhënë SH.H «Medvegja», ku rreth saj, ka veprimtarë të dëshmuar dhe besnikë. Edhe Ismet Selmani, ish kryetar i shoqatës dhe anëtarë besnik, tregoi për punën, që është bërë në këtë shoqatë dhe, që po bëhet dhe janë të zotuar, që të mos ndalen asnjëherë. Takimi ishte shumë miqësorë e konkret, në të cilën folën edhe për nevojat konkrete të popullatës të Medvegjës, si dhe për arsim e infrastrukturë dhe disa tema të tjera. Delegacioni i Medvegjës dhe i Shoqatës Humanitare «Medvegja», u ndanë të kënaqur me këtë takim./Dashnim HEBIBI/