Kreu i Vitisë kujdeset edhe për shëndetin oral të fëmijëve

Viti – Nën moton “Dhëmbë të shëndosh, fëmijë të lumtur” sot në Çerdhen “Gëzimi Ynë“ në Viti janë shënuar aktivitete të ndryshme që kanë për qëllim promovimin dhe ngritjen e vetëdijes tek fëmijët për shëndetin oral, konkretisht rëndësinë që ka ajo në mbajtjen e dhëmbëve të pastër. Para fëmijëve të kësaj çerdhe është paraqitur edhe një shfaqje teatrale e cila trajtonte të njëjtën temë. Gjithashtu fëmijët kanë pranuar dhurata si dhe brusha për pastrimin e dhëmbëve.

Kryetari i Komunës së Vitisë, Sokol Haliti i cili ishte i pranishëm gjatë këtij aktiviteti theksoi se mbi të gjitha është shëndeti i fëmijëve dhe të brezave të ardhshme .”Shëndeti i fëmijëve tanë është shumë i rëndësishëm në këtë bënë pjesë edhe shëndeti oral andaj projekti si ky që po implementohet sot është shumë i rëndësishëm në ngritjen e vetëdijes tek brezat e ardhshme që do të vijnë” u shpreh Haliti.

Ai duke folur për institucionet parashkollore theksoi se Komuna e Vitisë do t`i shikon mundësitë që të bëhet një rivitalizim në çerdhen e qytetit.

Ndërkaq Hanife Jonuzi, Drejtoreshë e Çerdhes “Gëzimi Ynë“ në Viti falënderoj institucionet komunale, por edhe ato qendrore që kontribuuan në organizimin e këtij aktiviteti duke e cilësuar si shumë të rëndësishëm.

Gjatë aktivitetit të sotëm që është mbajtur nën organizimin e Komunës së Vitisë, Qeverisë së Kosovës dhe DentiGroup para fëmijëve të kësaj çerdhe është paraqitur edhe një shfaqje teatrale e cila trajtonte të shëndetin oral.

Gjithashtu fëmijët kanë pranuar dhurata si dhe brusha për pastrimin e dhëmbëve./rajonipress/