Kozniku: Fitore e madhe

Fitoren e Shkëndijës në kuadër të Kupës së Maqedonisë në futboll në derbin ndaj Vardarit (2:1), trajneri Ardian Kozniku e ka konsideruar si të madhe.

“Kemi shënuar fitore me meritë, pasi ishim kundërshtar në i mirë. Në pjesën e parë patëm ca rënie në lojë, mirëpo në të dytën luajtëm ashtu siç u morëm vesh. E dinim se jemi duke luajtur kundër një rivali të madh dhe për këtë arsye në ndeshje hymë maksimalisht të përgatitur. Në pjesën e dytë e mënjanuam Vardarin nga loja kur me golin e bukur të Alimit erdhëm në epërsi. Kjo është fitore e madhe edhe në aspektin psikologjik për vazhdimin e kampionatit, dhe për një gëzim të madh për tifozët tanë që e merituan këtë triumf”, ka deklaruar Kozniku.

“Gjithsesi kanë mbetur edhe 90 minuta. Detyra nuk është kryer, pasi duhet edhe në Shkup duhet të luajmë në mënyrë kualitative, nëse dëshirojmë të plasohemi tutje në çerekfinale”, ka shtuar ai. Kozniku e ka marrë drejtimin e Shkëndijës në këtë muaj.