Kosova vlon, Kuvendi pushon

Parlamentarët kosovarë nuk prishin rehatinë.Çështje të rëndësishme duhet të debatohen në legjislativ

Njohësit e praktikave parlamentare konsiderojnë se pavarësisht afatit zyrtar të pushimit, ligjvënësit e Kosovës është dashur të fillonin seancat, pasi edhe ashtu, gjysma e vitit 2014, sesioni vjeshtor, ka shkuar krejtësisht i huqur, derisa edhe fillimi i këtij viti ka qenë relativisht i plogësht

Edhe pse vera e këtij viti, vlerësuar për nga dinamika e zhvillimeve politike, nuk është dashur që të jetë aq komode për pushimet e zyrtarëve të shtetit, ligjvënësit kosovar akoma po vazhdojnë të mos e prishin terezinë e pushimeve të verës, me përjashtim të ndonjë komisioni parlamentar, që ka thyer heshtjen 5 javore në Kuvendin e Kosovës.

Njohësit e praktikave parlamentare në vend dhe më gjerë, konsiderojnë se pavarësisht që gushti është muaj i garantuar me Kushtetutë i pushimit të Parlamentit, pas përfundimit të sesionit pranveror dhe në pritje të fillimit të sesionit vjeshtor, fillimi i muajit shtator është dashur të jetë një fillim më i shpejtë pune për ligjvënësit e Kosovës, pasi edhe ashtu, gjysma e vitit 2014, sesioni vjeshtor, ka shkuar krejtësisht i huqur, derisa edhe fillimi i këtij viti ka qenë relativisht i plogësht./kosova sot/