Konjufca pret në takim lamtumirës ambasadorin Hovenier: ShBA aleati ynë më i madh, do të angazhohemi për të forcuar raportet

Kryeparlamentari Glauk Konjufca ka pritur në takim lamtumirës Ambasadorin e ShBA’së në Kosovë, Jeffrey Hovenier, raporton Express.

Konjufca ka thënë se “ashtu si gjatë mandatit të ambasadorit Jeffry Hovenier, institucionet tona shtetërore do të jenë plotësisht të angazhuara, me konsideratë dhe mirënjohje të thellë, për të forcuar gjithnjë e më shumë raportet me aleatin tonë më të madh, SHBA-në , që ka një kontribut dhe rol të pazëvendësueshëm në vendin tonë.”.

Në njoftimin e Kuvendit thuhet se Konjufca i shprehu mirënjohje Hovenier për angazhimin përgjatë mandatit të tij në Kosovë, “ku ka dhënë kontributin e tij shumë të rëndësishme në rritjen e bashkëpunimit mes Shteteve të Bashkuara të Amerikës dhe Republikës së Kosovës, me përkushtim ndaj ruajtjes dhe avancimit të interesave tona të përbashkëta”.