Komunikimet e fundit në mes partive nuk e tensionojnë situatën

Njohësi i çështjeve politike, Armand Shkullaku, mendon se gjuha politik e përdorur ditën e fundit ndërmjet pozitës dhe opozitës është normale dhe në suaza të demokracisë.

Ai ka thënë se fyerjet verbale ndërmjet kryeministrit Isa Mustafa dhe përfaqësuesve të lëvizjes Vetëvendosje nuk mund të çojnë në tensionim të skenës politike në Kosovë.

Shkullaku ka bërë me dije për ‘Epokën e re’ se tensionimi i situatës politike mund të ndodhë vetëm kur mungon hapësira demokratike.

Sipas tij, mazhoranca e fuqishme ka imponuar një reagim të fortë të opozitës.

“Mendoj se çdo formë proteste, çdo mënyrë e komunikimit, për sa kohë është brenda një hapësire dhe norme demokratike, nuk mendoj se përbën ndonjë shqetësim”, ka thënë Shkullaku. /Telegrafi/