Komuna e Vitisë dhe GIZ bashkëpunojnë në hartimin e Planit ndërkomunal për menaxhimin e integruar të mbeturinave

Viti – Zv.Kryetari i komunës së Vitisë, Hasan Aliu dhe drejtori për Shërbime Publike dhe Emergjencë, Basri Aliu kanë pritur sot në takim përfaqësues nga projekti “Circular Urban Development Kosovo4Green” të financuar nga qeveria federale e Gjermanisë dhe implementuar nga GIZ.

Me këtë rast në këtë takim nga ky projekt ishin të pranishëm Vjollca Behluli, këshilltare për menaxhimin e mbeturinave dhe Drita Binaj, udhëheqëse e komponentës për menaxhimin e mbeturinave.

Gjatë këtij takim ata folën për bashkëpunimin e komunës së Vitisë me këtë projekt, konkretisht të finalizimit të Planit ndërkomunal për menaxhimin e integruar të mbeturinave që pritet së shpejti të kaloj edhe procedurat në Kuvendin komunal të Vitisë.

Në takim dy palët u pajtuan se është i një rëndësie të veçantë që të gjithë qytetarët vitias të janë të përfshirë në sistemin e mbeturinave por edhe të vetëdijesimit të qytetarëve për ruajtjen e mjedisit dhe bashkëpunimit të gjitha komunave dhe mekanizmave në këtë drejtim./rajonipress/