Komuna e Ranillugut gjykon sulmin ndaj Boban Alitit

Gjilan – Komuna e Ranillugut ka dënuar sulmin e ndodhur ndaj Boban Alitit nga fshati Crep i Ranillugut.

Në reagimin e kryetarit të Ranillugut Gradimir Mikiq thuhet se në natën në mes të premtes dhe të shtunës ka ndodhur një incident fatkeq në territorin e komunës së Ranillugut , gjegjësisht në shtëpinë e Boban Alitit i cili jeton në Crep, ku është hedhur mjet shpërthyes.

Komuna e Ranillugut e gjykon ashpër këtë veprim vandal, pasi që ky është incidenti i parë që ka ndodhur në komunën tonë, e cila llogaritet ndër komunat më të qeta në Kosovë, ka theksuar kryetari i komunës Mikić.

Komuna do të kërkoj nga organet kompetente që sa më parë të hetohet ky rast dhe kryerësit e kësaj vepre fatkeqe të nxirren para drejtësisë thuhet në njoftim./rajonipress/