Komuna e Medvegjës ndihmon familjet shqiptare

Me iniciativën e zëvendëskryetarit të Komunës së Medvegjës, Florim Sahiti dhe me mbështetjen e Kryqit të Kuq në Medvegjë, gjatë së mërkurës është marrë një aksion për të ndihmuar familjet skamnore.

Me këtë rast është ndihmuar familja Sylejmani nga fshati Starabajë. Kryefamiljari Ajet Sylejmani i cili me bashkëshortën e tij jeton në këtë fshat është ndihmuar me gjëra ushqimore, higjienike dhe mbulesa, gjëra të nevojshme për ata.

Kjo familje është vizituar edhe nga kryetari i degës së Partisë për Veprim Demokratik në Medvegjë, Fehmi Beha, ndihmëskryetari i komunës, Ismet Zeqiri si dhe Lulzim Sahiti.

Sipas fjalëve të zëvendëskryetarit Sahiti, aksioni për të ndihmuar familjet skamnore në Komunën e Medvegjës do të vazhdojë edhe në të ardhmen duke i vizituar familjet edhe personalisht në vendbanimet e tyre.

Sipas Sahitit, qëllimi është që shqiptarët në komunën e Medvegjës të jetojnë sa më mirë./Fidan Kosumi/Titulli.com/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).