Kollitjet e Vullkanit

Ku jeni 1 mijë poetë shqiptarë, pse heshtni dhe nuk sulmoni,
a e ndjeni, edhe toka ka frikë, nga gjaku i drogës, dhe i krimit

Ku jeni 1 mijë poetë shqiptarë
dhimbja kudo ka dalë në rrugë
shëtit e vetme dhe për veten
talenti juaj heshtë e nuk qëllon

Ku jeni 1 mijë poetë shqiptarë
fjalën kush ua ka zënë në grykë
dhimbja ka dalë vetëm në rrugë
shahet egërsisht, e poshtërohet

Ku jeni 1 mijë poetë shqiptarë
që talentin tuaj nuk e publikoni
por me mediokrit (art) glaconi
koha juaj është koha më e ligë!..

Rrustem Geci, poezi nga libri “Ajri dhe koha”