KK “AS” ju bën pritje madhështore trajnerit Alban Beqirit e karateistës Hatixhe Zejnullahut

Gjilan – Në një ambient madhështorë të cilët e kishin krijuar karateistët e klubit “AS” nga Gjilani dhe në praninë e shumë prindërve, janë mirëpritur dy medalistët nga Kampionati Botëror i karatesë që është mbajtur në Budapest të Hungarisë.

Me ovacione të mëdha me duartrokitje e lot të gëzimit, në mënyrë solemne janë pritur trajneri KK “AS”, Alban Beqiri njiherit edhe Përzgjedhës i Kombëtares U14, si dhe karateistja Hatixhe Zejnullahu e cila dëshmoi edhe një herë se kemi të bëjmë me një talente të madhe të sportit të karatesë.

“Është kënaqësi e vërtetë të rikthehesh pas një triumfi historik të sportit të karatesë ku kemi bërë krenar popullin e Kosovës, Federatën e Karatesë dhe karateistët e klubit “AS”.
Faleminderit karateistëve të klubit e prindërve për këtë pritje madhështore”, ka bërë të ditur trajneri, Alban Beqiri. Medalistja e bronzet, Hatixhe Zejnullahu e cila dha një kontribut të jashtëzakonshëm për sukseset e Kombëtares së Kosovës e emocionuar ka theksuar .

“Në një konkurrencë të jashtëzakonshme arritëm së bashku në piedestalin më të lartë, i falënderohem të gjithëve për këtë pritje të veçantë, suksesi ynë është i të gjithëve dhe pa ju ne nuk do të arrinim këtë sukses”./rajonipress/