Kisha në oborrin e UP-së, mes rrënimit dhe funksionalizimit

Prishtinë – Ideja e Senatit në shkuarje që kisha e ngritur në hapësirat e Universitetit të Prishtinës ose të rrënohet, ose të shndërrohet në muze ka rikthyer debatin për objektin i cili ka zënë vend në mes të Qendrës së Studentëve në fillim të viteve të ’90 kur shqiptarët u patën dëbuar nga ai vend, shkruan në botimin e të dielës Koha Ditore.

Sipas KD-së, pavarësisht rrethanave në të cilat është ngritur ky objekt, në Kosovë ka prej atyre që madje kërkojnë që shteti të ndajë buxhet për ta çuar ndërtimin e saj deri në fund.

Deputeti Lutfi Haziri, ish-ministër Kulture, duke e përkrahur këtë ide, konsideron se shqiptarët do të fitojnë poenë politikë.

Për kishën që u ndërtua nga regjimi i Slobodan Milosheviqit, për të dëshmuar forcën dhe dhunën e pushtetit, është diskutuar në mbledhjen e fundit të Senatit nën udhëheqjen e rektorit Mujë Rugova.