KFOR-i ndihmon zjarrfikësit vitias me pajisje në luftën kundër zjarrit

Viti – Komuna e Vitisë, konkretisht Njësia Profesionale e Zjarrëfikjes dhe Shpëtimit (NJPZSH) në Viti, ka pranuar sot një donacion nga KFOR-i. Me këtë rast në ceremoninë e pranim dorëzimit të këtij donacioni ka marrë pjesë edhe kryetari i komunës së Vitisë, Sokol Haliti.

NJPZSH në Viti do të këtë më të lehtë menaxhimin e rasteve të zjarrit. Kjo falë një donacioni që ka pranuar kjo njësi nga KFOR-i. Donacioni përfshinë 20 gypa, 34 shpinore zjarri për terrene të vështira, 34 maska me dy filtëra si dhe në ditët në vijim pritet që zjarrfikësit vitias të pranojnë edhe disa bateri ndriçuese. Kryetari Haliti falënderoj KFOR-in për këtë donacion duke e vlerësuar si shumë të rëndësishëm për menaxhimin e rasteve të zjarrit.

“Jam falënderues ndaj KFOR-it për këtë donacion shumë të rëndësishëm. Me këtë zjarrfikësit tanë do të kenë më të lehtë menaxhimin e rasteve të zjarrit në veçanti në terrene të vështira. Zjarrfikësit tanë nuk intervenojnë vetëm në komunën e Vitisë por edhe në atë të Kllokotit, pasi që kjo komunë nuk ka njësi të zjarrfikësve. Gjithashtu intervenojmë edhe në komunat tjera pasi që fatkeqësitë dhe zjarret nuk njohin kufi administrativ”, u shpreh Haliti.

Kurse Komandanti i Marinës Finlandeze. Jarmo Holopainen dhe shefi i ndërlidhjes së bashkëpunimit civil-ushtarak të KFOR-it, tha se të gjitha organizatat emergjente kanë nevojë për ndihmë duke shtuar se beson që donacioni i sotëm do të ju ndihmojmë zjarrfikëseve në menaxhimin e rasteve të zjarrit.

Ai gjithashtu tha se sektori përkatës brenda KFOR-it gjithmonë mundohet të ndihmojë ata që kanë nevojë.

Ai falënderoj edhe ekipin e KFOR LMT-së në Viti për bashkëpunimin në këtë donacion.

Ndërkaq Komandanti i NJZSHP-së në Viti, Hetem Jakupi, potencoi se ata gjatë vitit të shkuar kanë pasur shumë zjarre që edhe kanë rrezikuar jetën dhe pronën e qytetarëve.

Ai shtoj se ky donacion do të lehtësoj punën e kësaj njësie duke falënderuar donatorët./rajonipress/

Shpërndaje.
© RAJONIPRESS