Këshill kot i Jahjagës

Këshilli Kombëtar KundërKorrupsion, i cili qe themeluar nga Presidentja Atifete Jahjafa për të mbledhur rreth vetes institucione që kanë mandat në sundimin e ligjit dhe specifikisht trajtimin më me urgjencë të rasteve të keqpërdorimit të autoritetit publik, ka dështuar pa dhënë ndonjë rezultat konkret.

Opozita dhe shoqëria civile mendojnë se në vend po krijohen mekanizma joefektivë, përderisa korrupsioni dhe këqpërodrimi i parasë publike mbetet ndër nivelet më të larta në rajon dhe Evropë, shkruan Kosova sot.

Selim Selimi, këshilltar ligjor i Presidentes Jahjaga, duke folur për rolin e Këshillit Kombëtar KundërKorrupsion, ka thënë se deri më tanë janë mbajtur takime ku kanë marrë pjesë zyrtarë më të lartë të vendit si, kryeparlamentari, kryeministri, ministrat zyrtarë të drejtësisë etj.

“Presidentja planifikon që në shtator ta mbledhë Këshillin e madh, ose më së largu në fillim të tetorit, ku do të diskutohen të arriturat që janë bërë nga grupi punues dhe të shikohen disa prej aktiviteteve të identifikuara pse nuk kanë arritur të përmbushen, cilat kanë qenë arsyet dhe si duhet të jetë mobilizimi politik që të ecin këto punë përpara”, ka thënë Selimi.

Por nga ana tjetër, opozita dhe shoqëria civile nuk e shohin të efektshëm punën e Këshillit Kombëtar KundërKorrupsion./Indeksonline/