Kërcënon LDK-ja, 3 nëntori totalisht i papranueshëm
RajoniPress
23:19, 24 Qershor, 2013
Lideri i LDK-së, Isa Mustafa, është shprehur i shqetësuar për datën e zgjedhjeve. Ai ka thënë se për LDK-në është shqetësuese që zgjedhjet të mbahen me 3 nëntor, transmeton KTV.
“Ne totalisht nuk e konsiderojmë të arsyeshme që zgjedhjet të mbahen me 3 nëntor sepse kjo i bie që është manipulim paraprak i zgjedhjeve”, ka theksuar ai.
Mustafa madje ka shkuar edhe më larg duke thënë se nëse 3 nentori është pjesë e marrëveshjes, atëherë LDK-ja do ta rikonsiderojë mbështetjen për marrëveshjen me Serbinë.
Ndërkohë edhe Vetëvendosje është shprehur e pakënaqur me 3 nëntorin si datë e mbajtjes së zgjedhjeve, raporton Koha.
