Kastrati shpjegon për një rrugë që do të përdoret vetëm për nevojat e KFOR-it
RajoniPress
17:01, 3 Nëntor, 2020
Kamenicë – Një nga shqetësimet e përbashkëta të të gjitha niveleve, si pasojë e Marrëveshjes së Kumanovës mbetet Karaqeva. Për të qenë në krye të detyrës dhe sa më pranë komunitetit, KFOR-i na është drejtuar me kërkesën për të rregulluar një rrugë më të shkurtër e cila kalon kah panelet solare ka shkruar Qëndron Kastrati. Kjo rrugë do të përdoret vetëm për nevoja të KFOR-it dhe do të shenjohet përkitazi me destinimin e saj. Ne kemi diskutuar me ekspertë të fushës; me Komisionin Shtetëror për Shënjimin dhe Mirëmbajtjen e Kufirit si dhe mekanizma të tjerë të nivelit qendror dhe kemi vendosur të japim pëlqimin tonë për këtë përdorim ka thënë Kastrati.
Postimi i plotë i Qëndron Kastratit
Siguria është shtylla kryesore e mirëqenies së shoqërisë . Sot njëzet vjet pas luftës në Kosovë, Kosova vazhdon të ketë mbështetjen e NATO-s përmes forcave të KFOR-it të cilët angazhohen në ruajtjen e paqes dhe në projekte të ndryshme në komunitet.
Një nga shqetësimet e përbashkëta të të gjitha niveleve, si pasojë e Marrëveshjes së Kumanovës mbetet Karaqeva. Për të qenë në krye të detyrës dhe sa më pranë komunitetit, KFOR-i na është drejtuar me kërkesën për të rregulluar një rrugë më të shkurtër e cila kalon kah panelet solare.
Kjo rrugë do të përdoret vetëm për nevoja të KFOR-it dhe do të shenjohet përkitazi me destinimin e saj. Ne kemi diskutuar me ekspertë të fushës; me Komisionin Shtetëror për Shënjimin dhe Mirëmbajtjen e Kufirit si dhe mekanizma të tjerë të nivelit qendror dhe kemi vendosur të japim pëlqimin tonë për këtë përdorim.
Dua të jem i qartë dhe të theksoj fuqishëm që kjo rrugë nuk ka asnjë ndërlidhje me caktimin e kufirit dhe kushdo që tenton t’i japë këtë karakter e ka gabim. Nuk është në mandatin e KFOR-it dhe as të komunës të definojë kufij dhe kjo çështje do ta ketë trajtimin e vet nga niveli nacional. Mirëpo, ne nuk mund të cenojmë sigurinë e qytetarëve derisa të bëhet zgjidhja përfundimtare e cila nuk varet nga ne.
KFOR-i është gjithmonë me ne kur ne kemi nevojë për ta – qoftë për ndërtimin e një ure në fshat; shpërndarjen e ndihmave për familje në nevojë; aksione të ndryshme humanitare e të sigurisë; e në situata të rënda me pandeminë./rajonipress/
