Kasami: Festimi me shqiponjë, nuk kam dashur ta fyej askënd

Pajtim Kasami ka thënë se duke formuar shqiponjën dy krenare nuk ka dashur ta fyej askënd. Së fundi, në përfaqësuesen e Zvicrës është vendosur që futbollistët shqiptarë nuk do të festojnë golat me shpinojnë.

Para përballjes mes Zvicrës dhe Lituaninë, e cila do të luhet në kuadër të eliminatoreve për Euro 2016, në përfaqësuesen helvetike është vendosur që futbollistët shqiptarë nuk do të festojnë golat me shpinojnë.

Kjo temë është diskutuar pasi së fundit Pajtim Kasami dhe Granit Xhaka kanë festuar golat me ekipet e tyre (Olympiacos dhe Borussia Monchengladbach) duke formuar me gishtërinj shqiponjën dy krenare.

Kurse, pas këtij vendimi, ka folur mesfushori i ekipit grek Pajtim Kasami. Ky i fundit thotë se duke formuar shqiponjën dy krenare nuk ka dashur ta lëndoj askënd.

“Unë nuk kam dashur të lëndoj apo të fyej ndokënd me këtë përshëndetjen. Ky ishte një veprim spontan. Doja të përshëndesja familjen time. Edhe si një fëmijë isha i impresionuar me shqiponjë dy krenare të flamurit shqiptar. Por e gjithë kjo ishte politik tani”, ka deklaruar Kasami për Blick.