Karvani i flijimit
RajoniPress
08:41, 14 Qershor, 2025
| 3 javë më parë
Poezi nga Ardian Haziri
O nënëlokja ime, me fatin e Ajkunës;
Me shekuj e vrarë, nën thundrën e përdhunës;
I qëndrove lukunive, me gjakun e flijuar;
Kot t’i vunë prangat, nëpër këmbë e duar.
Në kullën me frëngji, ku ndihet era e barotit;
Shumë breza i rrite, në frymën e Kastriotit;
Karvani i flijimit për ty nënëloke, është i gjatë;
Nuk e zë dot poezia;
Me nder e krenari, do të rrëfejë historia;
Se cili ishte çmimi, që ka sot liria.
