Kapet një monedhë false në Gadish të Gjilanit

Gjilan – Policia e Kosovës është njoftuar nga një shitëse në një shitore se një person i dyshuar kishte hyrë për të blerë pije dhe cigare në shitoren e tyre që gjendet në fshatin Gadish Komuna Gjilan.

Për pagesë blerësi i kishte ofruar një monedhë në apoenë prej 50 €. Pasi që i dyshuari e kishte pranuar kusurin prej 45,40 €, ai kishte dalur nga shitorja, ndërsa shitësja ka dyshuar se monedha e pranuar është falso dhe ka dalur nga shitorja duke ia marrë shënimet e automjetit Mercedes, ngjyrë hiri, me targa 05. Rasti i referohet Njësitit për Krime Ekonomike.

Para disa ditësh Policia e Kosovës ka arritur që ta lokalizoj dhe arrestoj një të dyshuar Shqiptar shtetas i Serbisë se në tri raste kishte këmbye monedha që besohet të ishin të falsifikuara.

Policia e Kosovës i apelon qytetarë të jenë të vëmendshëm, dhe gjithë monedhat t`i kontrollojnë gjatë këmbimit të tyre, në mënyrë që mos të dëmtohen, dhe gjithmonë në këso raste të lajmërohet policia e Kosovës ka thënë Ismet Hashani./rajonipress/