Kamenica komuna e vetme që fitoi projektin nga Ambasada Japoneze për shpërndarjen e ujësjellësit

RajoniPress 18:25, 12 Mars, 2021

/ 2 minuta lexim

Kryetari Qëndron Kastrati së bashku me udhëheqësen nga Zyra për Investime dhe Mbështetje të Bizneseve, Vildane Maliqi, kanë takuar ambasadorin e Japonisë në Kosovë, Mitsunori Ogasawara, lidhur me projektin për rrjetin e ujësjlësit në fshatin Hogosht e Lisockë.

I pari i komunës ka thënë se është i lumtur që Kamenica është e vetmja komunë që e fitoi këtë projekt nga Ambasada Japoneze.
“Kamenica e vetmja komunë që fitoi projektin nga Ambasada Japoneze. Shumë i lumtur që sot nënshkrova marrëveshje me ambasadorin e Japonisë në Kosovë, z. Mitsunori Ogasawara, për projektin e shpërndarjes së rrjetit të ujësjellësit në Hogosht e Lisockë. Ndonëse jemi komunë e vogël, kemi premtuar që investimet kapitale do angazhohemi t’i sjellim edhe nga bashkëpunëtorë vendorë e ndërkombëtar”, është shprehur ai.
Kryetari Kastrati ndër të tjera ka thënë se projekti në fjalë ka rëndësi tejet të madhe për Kamenicën.

“Ky projekt ka rëndësi të jashtëzakonshme për Kamenicën, dhe për këtë falënderoj z. Ogasawara për bashkëpunimin, dhe Vildane Maliqin nga Zyra për Investime. Vazhdojmë me punë e projekte të mëdha për qytetarët tanë!”, ka theksuar ai.
Ndryshe vlera e këtij projekti është rreth 80 mijë euro./rajonipress/

fokus

Kamenica komuna e vetme që fitoi projektin nga Ambasada Japoneze për shpërndarjen e ujësjellësit

Mund të ju interesoj:

Rahimaj: Historike, 140 rrugë të reja do të asfaltohen në komunën e Kamenicës

1710 Familje në Roganë, Hodonoc, Muçiverc, Shipashnicë, Novosellë dhe Dajkoc po bëhen me ujësjellës

Lenjani i ashpër me institucionet qendrore: Turp, po e neglizhoni problemin e brezit kufitar

Mesazhi i banorëve për Kadri Rahimajn: Koretini nuk harron, koha e ndëshkimit po vjen shpejt!

Mund të ju interesoj:

Partnerët medial