Kadriu premtimet i bënë realitet

Gjilan – Premtimet që kryetari i AAK-së në Gjilan Rexhep Kadriu i ka dhënë banorëve të banesave sociale në Gjilan javë më parë, ka filluar t`i realizojë.

Ai sot, ka dërguar punëtorë të cilët kanë rregulluar pjesën hyrëse të banesave duke shtruar beton.

Qytetarët të cilët banojnë në këto banesa, kanë thënë se ndihen të kënaqur që më në fund ka dikush që po i mbanë premtimet e dhëna, e nuk po thotë vetëm fjalë të kota para qytetarëve.

Ndërkaq, kryetari Kadriu, i cili kishte vizituar këta qytetarë më parë, kishte premtuar se do tu ndihmojë atyre, ndërsa ka premtuar se ndihma do të vazhdojë edhe në të ardhmen.

Ai ka thënë se pas 3 nëntorit do të fillojë me realizimin e projekteve konkrete, nga të cilat do të përfitojnë pikërisht banorët e banesave sociale në Gjilan, të cilët për momentin jetojnë në kushte mjaft të vështira për jetë thuhet në njoftimin e degës së AAK-së në Gjilan./rajonipress/