Kadriu: Kemi plane konkrete për secilin fshat

Gjilan – Në kuadër të takimeve të shumta të realizuara gjatë ditës së marte, kryetari i AAK-së në Gjilan dhe kandidati për kryetar të komunës Rexhep Kadriu, ka qëndruar në shtëpinë e një familje në Livoq të Epërm, në një takim të organizuar nga kandidati për këshilltar komunal Arlind Ajeti.

Kryetari Kadriu, ka marrë përkrahjen nga kjo familje, ndërsa ka folur për projektet e tij të realizuara deri më tani dhe për planet që Aleanca ka për në të ardhmen.

Ai ka thënë se ka një plan konkret për secilin fshat dhe se Aleanca po punon vazhdimisht që të gjitha fshatrat të jenë të përfshira pa asnjë dallim. Sa i përket Livoqit të Epërm, kryetari Kadriu ka thënë se pas 3 nëntorit do të shihen punët konkrete që do të bëhen në këtë fshat, sepse mjaft kohë kemi humbur dhe tani është momenti i fundit të nisim me punë konkrete.

Kryetari Kadriu, së fundi ka pasur takime të shumta me banorë, të cilët duan që në konakun e tyre ti shprehin përkrahjen për kandidaturën e tij për kryetar të komunës thuhet në njoftimin e degës së AAK-së në Gjilan./rajonipress/