Jonathan Hargreaves qëndroi në Kamenicë, njihet me tolerancën dhe kulturën si vlera të larta të shoqërisë

Kamenicë – Shkëlqesia e tij z. Jonathan Hargreaves, Ambasadori i Mbretërisë së Bashkuar në Kosovë ka vizituar sot komunën tonë. Kam pas nderin dhe kënaqësinë që të pres në mëngjes Ambasadorin z. Jonathan Hargreaves dhe të diskutojmë për qeverisjen lokale dhe sfidat e saj ka shkruar Kadri Rahimaj.

Postimi i plotë:

Kam njoftuar Ambasadorin për qytetin, tolerancën dhe kulturën si vlera të larta të shoqërisë kamenicase dhe gjithashtu kam falënderuar për mbështetjen dhe bashkëpunimin e Ambasadës në projektin “Share Education” ku janë realizuar aktivitete të ndryshme këtu në Kamenicë dhe janë shkëmbyer përvoja edhe nga vizita zyrtare në Belfast së bashku me profesorët e Queen’s University në Irlandën e Veriut.

Jam shprehur i hapur për bashkëpunim në të ardhmen dhe kemi kërkuar mbështetje për Kamenicën.

Të lumtur që qyteti ynë tërheq vëmendje dhe interesim për vizita nga ambasadat e shteteve mike.

Kamenica që duam