Januzaj shënon në festën e Unitedit

Adnan Januzaj ka qenë protagonist në fitoren e Manchester Unitedit në shtëpi të Newcastle United me rezultat 4:0.

Mesfushori kosovar e ka realizuar golin e katërt të ‘Djajve të Kuq’ në minutën e fundit të ndeshjes, pas një bashkëveprimi maestral me Juan Mata, i cili paraprakisht kishte realizuar dy gola.

Kurse, një tjetër e ka shtuar Javier Hernandez. Për futbollistin nga Istogu, ky ishte goli i katërt, në sezonin e tij debutues me klubin nga Old Traffordi

Ai kishte shënuar dy herë ndaj Sunderlandit dhe një herë kundër West Ham Unitedit. /Zeri/