Januzaj lufton për të bindur Van Gaalin

Mesfushori i Manchester Unitedit, Adnan Januzaj, po kërkohet nga skuadra të ndryshme në Angli e jashtë saj.
Por reprezentuesi i Belgjikës është i vendosur të luftojë për të bindur trajnerin e Unitedit, Louis van Gaal, se është i vlefshëm për skuadrën.

Kështu kanë shkruar të premten mediumet angleze të afërta me Manchester Unitedin.

“Januzaj që edicionin e kaluar ishte ndër zbulimet më të mëdha, tani po lufton që të gjejë rolin e tij në skuadrën e Van Gaalit. 19-vjeçari ka startuar vetëm në katër ndeshje nën urdhrat e teknikut holandez.

Vetëm dy ndeshje i ka kompletuar, ndërsa gjithsej ka luajtur 435 minuta gjatë tërë kampanjës. Derisa Van Gaal ka bërë të ditur se nuk do ta lirojë Januzajn të largohet në janar, numri i skuadrave që e dëshirojnë talentin po rritet gjithnjë e më shumë”, ka shkruar “manchestereveningnews.co.uk”.

Në Angli për Januzajn po insistojnë Evertoni e Hull City. /Telegrafi/