Ivanoviq akuzohet për vrasje, plagosje, keqtrajtim dhe dëbim të shqiptarëve nga veriu

Sipas të dhënave të QR të KMDLNJ në Mitrovicë, e duke u bazuar në deklaratat e dëshmitarëve, në mes të 3 dhe 4 shkurtit të vitit 2000, Oliver Ivanoviq u ka prirë grupeve të serbëve, të cilët vranë 10 shqiptarë, plagosën 25, keqtrajtuar 93 dhe dëbuan nga shtëpitë e tyre në veri të Mitrovicës 11.364 shqiptarë.

I arrestuar disa orë më parë kandidati për kryetar të komunës së Veriut të Mitrovicës, Oliver Ivanoviç, sipas burimeve të gazetës është i dyshuar për krime lufte

Si i tillë gjithnjë sipas burimeve ai aktualisht është duke u intervistuar nga prokurori i prokurorisë speciale.

Gjatë një operacioni që ka nisur në orët e hershme të mëngjesit në pjesën veriore të Mitrovicës nga Eulexi, është arrestuar politikani serb kandidat për kryetarë të komunës së Mitrovicës së Veriut, Oliver Ivanovic.

Buriemt e Zërit, brenda misionit Eulex, me kusht anonimitet kanë konfirmuar se Ivanovic,është në mesin e të arrestuarve gjatë aksionit që ende është në zhvillim e sipër në Veri të Kosovës.

Por zyrtarë nga zyra për informim e këtij misioni vetëm kanë bërë me dije se është duke u zhvilluar një operacion kërkimi.

“E tëra çfarë mund të themi është se aksioni është duke vazhduar”, ka thënë shkurt zëdhënësja Dragana Nikolic Solomon. /Zëri/