Itali: Vritet mërgimtari 40-vjeçar nga Kosova

Trupi i pajetë i viktimës është gjetur i djegur në bagazhin e një veture të tipit “Range Rover”

Mediat italiane shkruajnë se një 40-vjeçar nga Kosova raportohet të jetë vrarë në Itali, transmeton albinfo.ch.

Thuhet se trupi i pajetë i viktimës është gjetur i djegur në bagazhin e një veture të tipit “Range Rover”, pranë zonës së Breshias.

Ndërkohë që raporti i policisë tregon se shkaqet e vdekjes pritet të përcaktohen nga autopsia.

Sipas policisë, dyshohet se viktima u vra diku tjetër dhe u dërgua në zonë tjetër, ku edhe u dogj automjeti.

Mediumi Ansa.it shkruan se rasti ka ndodhur për shkak të luftës mes bandave të drogës mes grupeve nga Kosova, transmeton tutje albinfo.ch.

Gjithashtu, sipas këtij mediumi, edhe vetura i përkiste një kosovari, të cilit i ishte vjedhur, por që nuk e kishte raportuar rastin. /Albinfo.ch