Ismajli: Spitali i Gjilanit ka rritur kapacitetet për hospitalizimin të pacientëve me Covid-19
RajoniPress
13:01, 8 Korrik, 2020
Gjilan – Komiteti Emergjent i Gjilanit për parandalimin e përhapjes së Covid-19, i kryesuar nga nënkryetari Arbër Ismajli, ka mbajtur sot takimin vlerësues të situatës, pas 20 rasteve të reja pozitive me Covid-19.
Arbër Ismajli, nënkryetar i Komunës, i cili udhëheq me operacionet në kuadër të Komitetit, ka deklaruar në këtë takim se po bëhet vlerësimi i situatës për burimin e infeksionit për rastet e fundit, derisa ka kërkuar nga të prekurit që të vetizolohen në mënyrë që të mos përhapet infeksioni.
Në këtë takim u tha se Spitali i Gjilanit ka rritur kapacitetet për hospitalizimin e pacientëve me Covid-19.
Përndryshe, brenda 117 ditëve të përballjes me këtë sëmundje, në Gjilan janë infektuar 230 persona, 146 prej tyre janë shëruar, 80 janë raste aktive, derisa 4 kanë vdekur./rajonipress/
