Ish ushtari i UÇK-së ka një falënderim për Ruzhdi Kqikun: Falë jush jemi gjallë

Gjilan – Bejtullah Krasniqi ish ushtar i UÇK-së ka shprehur një falënderim të veçantë për poetin Ruzhdi Kqiku. Kontributi i Ruzhdi Kqikut njihet nga ushtarët e UÇK-së edhe pse ishte bari. Respekt për Ruzhdi Kqikun sepse falë jush jemi gjallë ka thënë Bejtullah Krasniqi.

Ka mjaftuar një shkrim modest për Ruzhdi Kqikun poet e krijues dhe të vërshojnë komentet pozitive.

Por ajo që nuk është ditur deri më tani ka të bëjë me kohën e luftës ku edhe aty Ruzhdi Kqiku kishte dhënë kontribut.

Një falënderim të veçantë e ka dërguar tek ne edhe ish ushtari i UÇK-së Bejtulla Krasniqi.

”Unë Bejtulla Krasniqi meqenëse kisha njohuri të zonës me një strukturë mirë të organizuar UÇK isha i caktuar nga Komandanti i Zonës Ahmet Isufi për të sjellur doktor Xhevat Demiri dhe doktor Ilaz Porushtica për shërimin e të plagosurve. Me mue në këtë mision ushtarak ishte edhe ushtari i UÇK-së, Karaxha dhëndri i dëshmorit Pajazit Ahmeti. Ne vazhduam rrugën nga Shtabi i UÇK-së në Zhegoc deri në fund të rrugës të fshatit Mehir afër pishave te Liqeni i Livoçit të Epërm. Ruzhdiu i cili ishte duke ruajtur bagëtinë më ndaloj i cili kishte njohuri se ne jemi pjesë e UÇK-së dhe na tha mos vazhdoni rrugën se te pishat janë pozicionuar forcat serbe, ne i dëgjuam këshillat e tij dhe tentuam një rrugë tjetër, por u sulmuam nga forcat serbe te mali i Livoçit të Epërmë” a shkruar Krasniqi.

Sipas tij afër liqenit ketë prit e kaluam, por kur erdhëm afër familjes Leka në Livoç të Epërmë u futa në zonë të minuar falë përvojës ushtarake dola nga zona e minuar dhe shkova te familja e Ruzhdiut me kërkesë që t`i sjell këta dy mjekë.

“Pa pertes Nazmi Kqiku dhe Bajram Muji i sollën mjekët deri në Mehir pastaj ne vazhduam rrugëtimin për në Shtabin e UÇK-së në Zhegoc. Respekt për Ruzhdi Kqiku. Falë jush jemi gjallë. Nga ish ushtari i UÇK-së Bejtulla Krasniqi” ka shkruar ky ish ushtar./rajonipress/