Ish- studenti Herolind Ramadani ka themeluar zyrën projektuese “HR Architecture” në Gjilan

Ish- studenti Herolind Ramadani është një arkitekt i suksesshëm, i cili ka përfunduar studimet Bachelor dhe Master në Fakultetin e Arkitekturës dhe Planifikimit Hapësinor në UBT. Ai zgjodhi UBT për shkak të përgatitjes profesionale të cilën ky institucion u ofron studentëve për tregun e punës.

Gjatë kohës së tij në UBT, Herolindi përfitoi nga një përvojë e pasur akademike që përfshinte kushte të favorshme për mësim, praktika, konsulltime, vizita në terren dhe njohuri të thella në fushën e arkitekturës.

Pas përfundimit të studimeve, Herolindi themeloi zyrën projektuese “HR Architecture” në Gjilan. Kjo kompani ka fituar një reputacion të shumë të mirë për projektimin e shtëpive, villave, si dhe për dizajnimin e ambienteve të brendshme dhe të jashtme (enterier dhe eksterier).

Përveç kësaj, ai është i angazhuar edhe në mbikëqyrjen e objekteve afaristo-banesore, duke kontribuar në përmirësimin e cilësisë së hapësirave të jetesës dhe punës./rajonipress/ubtnews/