Ish-ambasadori Lauka: Me dialog mund ta tejkaloni ngërçin

Ish-ambasadori i Shqipërisë në Kosovë, Islam Lauka, ka thënë se marrëveshjet e arritura në Burksel, ajo për Asociacionin dhe Demarkacionin “nuk janë pa mëkate”. Ai thotë se pozita dhe opozita duhet të dalin nga ngërçi i krijuar nëpërmjet dialogut.

Në një intervistë për “Epoka e Re”, Lauka ka thënë se marrëveshjet në Bruksel nuk janë bërë nga malli por nga halli.

Ai i jep të drejtë opozitës të shprehë mospajtimet për këto dy marrëveshje, por ka thënë se është kundër përdorimit të gazit lotsjellës në Kuvend dhe kundër përdorimit të dhunës nga ana e policisë ndaj protestuesve.

Ai i ka bërë thirrje klasës politike në Kosovë që nëpërmjet dialogut ta gjejë mënyrën që të dalë nga ky ngërç.