Ischinger: Sesion i veçantë për Kosovën dhe Serbinë në Munih

Për shkak të problemeve globale, 50 vjetori i Konferencës së Sigurisë së Munihut nuk do të festohet me evente të mëdha, thotë për DW kryetari i saj Wolfgang Ischinger.

Ischinger bëri me dije se në këtë konferencë do të ketë një sesion të veçantë për Kosovën dhe Serbinë.

“Unë shpresoj që këtë vit të mund të hapim një kapitull të ri, për shembull ne do të kemi një sesion të veçantë për të ardhmen e Kosovës dhe Serbisë dhe një tjetër për konfliktet në Lindjen e Afërme”, ka thënë Ischinger për DW.

Ai ka theksuar megjithatë se temat kryesore për këtë vit janë Siria, konflikti izraelito-palestinez dhe siguria kibernetike, që ka marrë përmasa transatlantike si dhe kriza në Ukrainë.

Ndryshe, në këtë Konferencë po merr pjesë edhe kryeministri i Kosovës, Hashim Thaçinë cilësinë e panelistit.