IQZH kërkon ndërtimin e sallës dhe fushën e sportit në Zhegër

Gjilan- Iniciativa Qytetare e Zhegrës (IQZH) ka kërkuar nga MASHT ndërtimin e Sallës së Edukatës Fizike dhe fushës së sportit në Shkollën e Mesme te Ulët “Agim Ramadani” në Zhegër.

Zhegra një ndër lokalitetet më të mëdha në nivel Kosove, në vitin 2011 me përkrahjen e MASHT –it realizoi një kërkesë të kamotshme të nxënëseve e qytetarëve të këtij komuniteti , ndërtimin e SHMU “Agim Ramadani”.

Kurteshi tha se ndërtimi i shkollës vetëm pjesërisht ka kënaqur kërkesat e nxënëseve, arsimtarëve dhe qytetarëve të Zhegrës, pasi që objekti në fjalë nuk ka sallë të edukatës fizike, e në oborr nuk është ndërtuar fusha e sportit.

Si rezultat ora e edukatës fizike realizohet me vështirësi e plan programet nuk ka mundësi te realizohen.

Ndërtimi i sallës së edukatës fizike , fushës së sportit, do tu mundësonte mbi 800 nxënëseve që mësojnë në këtë shkollë të realizojnë aktivitetet e tyre si në orët e edukatës fizike dhe aktivitete tjera mendon Kurteshi.

Sallën dhe fushën në fjalë do t`i shfrytëzonin edhe klubet sportive të Zhegrës si Klubi i Hendbollit “Zhegra”, që garon në Superligën e Kosovës dhe garat i zhvillon në sallën “Bashkim Selishta” në Gjilan.

Prandaj kërkojmë nga ju që të hartoni projektet për ndërtimin e sallës së edukatës fizike dhe fushës së sportit në SHMU “Agim Ramadani” në Zhegër thuhet në kërkesën e IQZH të nënshkruar nga Ruhan Kurteshi./rajonipress/