Idriz Rexhepi ankohet se komuna e ka harruar brezin kufitar

Gjilan – Idriz Rexhepi banor në fshatin Muçibabë thotë se dikur në fshatin Muçibabë, Burincë dhe Lipovicë kishte rreth 100 shtëpi kurse tani nuk jetojnë as 10 familje. Kushtet janë të rënda dhe të vështira, kurse komuna po e injoron këtë pjesë kufitare thotë ai.

Idriz Rexhepi tregon se fshatrat Muçibabë, Lipovicë e Burincë dikur kishin mbi 100 shtëpi të banuara me mbi 1000 banor, kishte shitore, ishte shkolla, xhamia dhe bënim një jetë normale, kurse tani jetojnë vetëm 10 familje edhe atë në kushte ekstreme. “Drejtoria e arsimit e ka mbyllur shkollën dhe nuk ka mësim, kurse institucionet komunale nuk po mendojnë fare për rregullimin e infrastrukturës. Pushtetarët po mendojnë vetëm për xhepat e vet dhe kur të vije koha e votave” shprehet Rexhepi.

Rexhepi thotë se komuna duhet të mendojë pak për ta ngjallur brezin kufitar duke i përkrahur banorët e pakët me rregullimin e rrugës. “Lëreni inatet politike, mendoni për këto fshatra sepse dikur do ju mallkoj edhe historia që keni shkelur dhe i keni injoruar kërkesat tona” u shpreh Rexhepi./rajonipress/