I lumtur Gary Neville, i kthehet “bossi”, i kthehet Shkodran Mustafi

Trajneri i Valencias, Gary Neville, tani mund të ndihet i çliruar, pasi që mbrojtësi Shkodran Mustafi është rimëkëmbur dhe është i gatshëm për lojë.

Kampioni i botës me Gjermaninë, nuk ka mundur të jetë në fushë në tre ndeshjet e fundit të Valencias, dhe tani është grumbulluar për ndeshjen që skuadra e Neville e luan në udhëtim te Real Sociedad.

Duke parë çalimet në mbrojtje të Valencias, gazeta Marca e cilëson lajm të madh rikthimin e Mustafit nga lëndimi që e mori më 19 dhjetor ndaj Getafes./Indeksonline/