Haziri pret në takim drejtorin e ri të OSBE-së, Zoltan Imecs

Gjilan – Kryetari i Komunës së Gjilanit, Lutfi Haziri, ka pritur sot në takim u.d. drejtorin rajonal të OSBE-së në Gjilan, Zoltan Imecs, i cili sapo ka marrë detyrën.

Kryetari Haziri, pasi e ka uruar z. Imecs për pozitën, ka thënë Komuna e Gjilanit do ta vazhdojë bashkëpunimin e mirë me OSBE-në, siç e ka pasur edhe në të kaluarën.

Haziri, gjithashtu, ka falënderuar OSBE-në për ndihmën e madhe që ka dhënë në shumë projekte, sikur edhe për kontributin e tyre për avancimin e dialogut ndër-fetar, ku Gjilani vlerësohet si model.

Nga ana e tij, u.d. drejtori rajonal i OSBE-së në Gjilan, Zoltan Imecs, ka falënderuar kryetarin Haziri për pritjen, duke shfaqur zotimin e tij për bashkëpunim mes kësaj organizate të rëndësishme dhe Komunës së Gjilanit në të mirë të qytetarëve./rajonipress/