Haziri për Diagnozën: Ka qenë akademi e shëndetësisë së Gjilanit në vitet 90-ta

Kryetari i Gjilanit, Lutfi Haziri, ka vizituar sot klinikën shëndetësore, Diagnoza, ku është pritur nga pronari i saj, dr. Fatmir Poroshtica, i cili e ka informuar për punën, sukseset dhe sfidat.

Kryetari Haziri ka falënderuar Poroshticën për kontributin e madh që kanë dhënë në mjekimin e popullatës, duke thënë se Diagnoza ka qenë akademi e shëndetësisë në vitet 90-ta.

“Vizitova Klinikën më të vjetër shëndetësore në sektorin privat, Diagnozën, e themeluar në vitin 1991. I përgëzova për sukseset e arritura dhe i falënderova për kontributin e jashtëzakonshëm dhe kujdesin në shëndetin e popullatës, në veçanti në kohën e pandemisë. Po ashtu, Diagnoza ka qenë akademi për shëndetësinë e Gjilanit në vitet 90-ta, pasi qindra mjekë e infermierë kanë kryer praktikën dhe janë bërë sot ikona të qytetit. Zoti ju ruajt!”, ka deklaruar kryetari Haziri.

#LDKGjilan #LDK160