Haziri i jep mbështetje platformës “Trego e Vepro”

Gjilan – Ju nuk jeni problemi, ju jeni zgjidhja e problemit. E kam thënë edhe më herët, po e ripërsëris edhe sot se rinia është prioritet në qeverisjen time sepse jeni e ardhmja jonë. Komuna e Gjilanit do t’ju mbështesë vazhdimisht në të gjitha projektet që janë në favor të zgjidhjes së problemeve tuaja për t’ua bërë jetën sa më të mirë, tha me këtë rast kryetari Lutfi Haziri.

Është promovuar sot në Gjilan platforma online www.tregoevepro.com, e cila kontribuon në zgjidhjen e problemeve të rinisë.

Kjo platformë u mundëson të rinjve që nëpërmjet videove të postojnë dhe identifikojnë problemet e tyre që të ndërmerren iniciativa për zgjidhjen e tyre si dhe të kenë diskutime në chat.

Në këtë ngjarje ka marrë pjesë edhe kryetari i Gjilanit, Lutfi Haziri, i cili u ka ofruar mbështetje të rinjve të Gjilanit, në zgjidhjen e problemeve të tyre.

“Ju nuk jeni problemi, ju jeni zgjidhja e problemit. E kam thënë edhe më herët, po e ripërsëris edhe sot se rinia është prioritet në qeverisjen time sepse jeni e ardhmja jonë. Komuna e Gjilanit do t’ju mbështesë vazhdimisht në të gjitha projektet që janë në favor të zgjidhjes së problemeve tuaja për t’ua bërë jetën sa më të mirë”, tha me këtë rast kryetari Haziri.

Personat të cilët regjistrohen në www.tregoevepro.com mund të postojnë video me brengat e tyre dhe në këtë mënyrë mund të përfitojnë nga kjo platformë në zgjidhjen e tyre./rajonipress/

Shpërndaje.
© RAJONIPRESS