Haradinaj: Thaçi asnjë grimë nuk është i thyer, 90% ka ardhur veç për familjen

Ish-nënkryetari i OVL-së së UÇK-së, Nasim Haradinaj, ka folur për vizitën e ish-presidentit Hashim Thaçit te varri i babait të tij i cili vdiq të dielën e 16 marsit.

Haradinaj tha se Gjykata Speciale nuk mund ta thyej asnjë grimë Thaçin që s’e kanë lejuar që të vinte në varrimin e babait.

“Ata janë mbjellësit e mortit, ata janë krijuesit e mortit. Një prokurori dhe gjykatë që i stimulon dhe i josh, nuk duhet të presim ndjenja nga ta”.

“Thaçi edhe po të mos vinte hiç, unë mendoj që 90 për qind ka ardhur për hatër të familjarëve, sepse Thaçin s’mund ta thyejnë asnjë grimë, veç iu ka kthyer bumerang më shumë atje”, tha Haradinaj në Klan Kosova.

Më tej, Haradinaj u shpreh se një situatë të tillë është e vështirë ta përballosh emocionalisht, por tha se kur njerëzit kanë cak, e sidomos kur merr mbi supe vendin, e gjen forcën për ta përballuar.