Haradinaj: Mospajtimet mes partive politike janë normale

I pari i qeverisë, Ramush Haradinaj sot bëri homazhe para shtatores së komandantit të UÇK-së Zahir Pajaziti, raporton “Zëri.info”.

Pas homazheve kryeministri foli edhe për seancën e mbajtur dje në Kuvendin e Kosovës lidhur me miratimin e rezolutës së iniciuar nga Lidhja Demokratike e Kosovës (LDK), për dialogun mes Kosovës dhe Serbisë e ku tha se duhet të gjendet një mes për miratimin e kësaj rezolute.

“Në disa raste po shihet një lojë në mes partive dhe deputetet po përfaqësojnë më shumë një lojë, ndoshta për poena politike se sa për qëllim. Nëse qëllimi i Parlamentit është ta nxjerrë një Rezolutë atëherë duhet të kërkojmë një mes”, ka thënë ai.

Në seancën e djeshme në mes të deputetëve janë përdor edhe gjuhë jo adekuate dhe i pyetur se si janë raportet mes deputetëve në kuvend Haradinaj ka thënë që mospajtimet mes partive politike janë normale.

“Këto pajtime në mes partive janë mes partive janë normale për shkak të dallimeve që kanë dhe kontesteve nga e kaluara, idhnimeve, inateve e hatermbetjeve, mirëpo janë disa çështje që nuk mundemi me ju ikë dhe nëse ato zgjidhen askush nuk humb”, ka përfunduar ai. /ZËRI