Haradinaj: Miqësia dhe partneriteti strategjik mes Kosovës dhe ShBA-së janë të shenjta
RajoniPress
15:03, 28 Prill, 2020
Kryetari i Aleancës për Ardhmërinë e Kosovës, Ramush Haradinaj ka thënë se miqësia dhe partneriteti strategjik mes Kosovës dhe Shteteve të Bashkuara të Amerikës janë të shenjta.
Përmes një postimi në llogarinë e tij në Facebook, Haradinaj ka thënë se është krenar me me angazhimin e dy ushtarëve të FSK-së të cilët pasi përfunduan trajnimin në mars të këtij viti në “Camp Dodge”, vazhduan të qëndrojnë në mbështetje të Gardës Kombëtare të Ioëa-s
“Miqësia dhe partneriteti strategjik mes Kosovës dhe ShBA-së janë të shenjta. Krenar me angazhimin e dy ushtarëve të FSK-së dhe kontributin e tyre, të cilët pasi përfunduan trajnimin në mars të këtij viti në “Camp Dodge”, për shkak të pamundësisë së udhëtimit si rrjedhojë e pandemisë, vazhduan të qëndrojnë në mbështetje të Gardës Kombëtare të Ioëa-s për ta menaxhuar situatën e krijuar nga COVID-19”, ka shkruar Haradinaj.
