Haradinaj kujton familjen Jashari: U jemi borxhlinj të rënëve për liri

​Edhe kreu i Aleancës për Ardhmërinë e Kosovës, Ramush Haradinaj, e ka kujtuar 19-vjetorin e sakrificës së familjes Jashari. Siç thotë ai, nuk ka ditë më të shënuar se sa dita e sotme dhe se nuk ka sakrificë më të madhe se sa sakrifica e Familjes Jashari!

“Të gjithë të gjallët janë të vegjël përpara heroizmit të luftetarëve të lirisë, të prirë nga Adem Jashari, të cilët sot pushojnë në varrezat e Kompleksit Memorial në Prekaz.

Ne u jemi borxhli të rënëve të lirisë, pa të cilët Kosova e lirë as që do të mundë të imagjinohej! Ndjenja qenka edhe më e fortë, kur ngjarjet e tilla i kujton larg atdheut.

Lavdi e përjetshme veprës heroike të tyre”, shkruan Haradinaj në Facebook.

Kujtojmë se kreu i AAK-së gjendet në Francë në pritje të një vendimi të gjykatës franceze ku kjo e fundit e arrestoi atë mbi bazën e disa fletarresteve serbe. /Express/