Haradinaj: Kosovën po e udhëheq njeriu i Serbisë

Kryetari i AAK’së, Ramush Haradinaj, në një konferencë për media, ka folur për përgjimet e publikuara mes Mimoza Kusari- Lilës dhe Millan Radojçiqit.

Ai ka thënë se “është hera e parë që është bashkuar vota e shqiptarëve me Listën Serbe kundër UÇK’së”.

“Pra kanë ndodh marrëveshje për qeverisje, për pushtet, për shumëcka tjetër, por kurrë, hera e parë, në historinë e ekzistencës së Kosovës që është bashku vota e shqiptarëve me Listën Serbe kundër UÇK’së është e Albin Kurtit. Po ashtu është vërtetuar se për këtë votë bashkë janë marrë vesh pas shpinës së Kosovës”, është shprehur ai.

“Kjo tregon se Kosovën e udhëheq njeriu i Serbisë, spiuni i Serbisë”, ka thënë Haradinaj në fund. /GazetaExpress/