Haradinaj do të sjellë energji në qeverisje
Nënkryetari i AAK-së, Ardian Gjini, ka thënë se për të mirën e Kosovës PDK-ja duhet të shkojë sa më shpejtë në opozitë.
Ai ka treguar se për t’ia ndërprerë mandatin kësaj Qeverie janë duke i pritur nënshkrimet e deputetëve të LDK-së, të Vetëvendosjes dhe të deputetëve të pavarur.
Gjini ka thënë se Qeveria e tashme nuk duhet të qeverisë më venin pasi nuk i ka 61 deputetë të cilët e mbështesin në Kuvend.
”Tani Qeveria nuk e ka shumicën. Pra, numri më i madh i deputetëve nuk janë mbështetës të Qeverisë”, ka thënë ai, duke shtuar se Kosovës i duhet një qeveri me energji të jashtëzakonshme për t’ua kthyer besimin qytetarëve në shtetin e tyre.
AAK-ja po provon t’ia japë Kosovës një qeveri të tillë me z.Ramush Haradinaj në krye”, ka thënë Gjini. /Epoka e Re/