Hapja e zyrës së KBI-së në Preshevë një mundësi e mirë për zgjidhjen e problemeve

Kryetar i Bashkësisë Islame të Serbisë (Reis-ul-ulema) Adem Ziliç dhe Myftiu i BIPBM-së Nexhmedin Saqipi, njëherit dhe koordinator për lëndën fetare për Luginë të Preshevës, kanë qëndruar dje në Preshevë, në hapjen solemne të zyrave të (KBI-së) Këshillit të Bashkësisë Islame për Preshevë Bujanoc dhe Medvegjë.

Në një ceremoni solemne BIPBM, dje ka hapur zyrën e KBI-së në Preshevë, e cila do të drejtohet nga kryetari Granit Kamberi, me stafin e tij.

Gjatë këtij ceremoniali, prezantoi Kryetar i Bashkësisë Islame të Serbisë (Reis-ul-ulema)Adem Ziliç dhe Myftiu i BIPBM-së Nexhmedin Saqipi, njëherit dhe koordinator për lëndën fetare për Luginë të Preshevës.

Hapjen solemne të zyrës e bëri kryetari i KBI-së në Preshevë, Granit Kamberi, i cili pasi përshëndeti të pranishmit, fjalën e rastit ia dha mysafirit Adem ef. Zylkiq.

Ai, me këtë rast tha se ndjehet i nderuar me praninë e tij në hapjen solemne të zyrës së BIPMB-së në Preshevë.
“Qëllimi ynë është që të shihemi më shpesh dhe të jemi më adekuat me mundësitë tona në zgjidhjen e problemeve për të gjithë besimtarët, por edhe popullatën shqiptare në përgjithësi, dhe kjo zyrë të shërbejë për të mirën e të gjithëve” tha mes tjerash Zilkiq.

Myftiu i BIPMB-së Nexhmedin Saqipi, fillimisht falënderoi All-llahun, i cili ua mundësoi hapjen e zyrës në fjalë në mënyrë që besimtarëve islamë t’i krijojmë kushte për punë, aktivitete dhe unitet, harmoni dhe shumë mundësi dhe kërkesa tjera t’i realizojmë në mënyrë institucionale. Hapja e zyrës në Komunën e Preshevës dhe ajo në Komunën e Bujanocit janë mundësi e mirë për besimtarët islamë, që problemet e tyre fetare por edhe kombëtare t’i zgjidhin në mënyrë institucionale.

Saqipi, po ashtu foli edhe për lëndën e mësimit fetar Islam në Luginë “Lënda e mësimit fetarë në Luginë është në rrugën e duhur, por gjithsesi duhet të punohet edhe më tej në këtë drejtim që ta avancojmë edhe më shumë kuadro tw reja “ theksoi Saqipi.

Ndërkohë Kryetar i Bashkësisë Islame të Serbisë (Reis-ul-ulema)Adem Ziliç dhe Myftiu i BIPBM-së Nexhmedin Saqipi, njëherit dhe koordinator për lëndën fetare për Luginë të Preshevës vizituan edhe Shkollën Fillore “Ibrahim Kelmendi” në Preshevë, ku i priti drejtoresha e shkollës Besa Sahiti me kolegjiumin e saj. Gjithashtu, ata, vizituan edhe Shkollën Fillore “Selami Hallaqi” në Rahovicë, duke vazhduar vizitat në Xhaminë “Ebu Bekër Es-Sidik “ në Preshevë, ndërkohë Reisi Adem Zikiq, vizitën e tij e përfundoi në RTV “Presheva“, në një emision special për telespektatorët e Luginës, njofton Qendra për Informim e BIPBM-së, në Bujanoc. /rajonipress/