Haliti viziton famullitë e Stubllës, Letnicës dhe Binqës

Viti – Me rastin e festës së Krishtlindjeve katolike, një delegacion nga komuna e Vitisë, në krye me kryetarin Sokol Haliti kanë vizituar famullitë e Stubllës, Letnicës dhe Binqës ku nga afër ju kanë shpreh urimet për këtë festë fetare.

Ndryshe Sokol Haliti në urimin e tij me rastin e Festës së Krishtlindjeve, ka uruar qytetarët e besimit të krishterë, me dëshirën që kjo Festë të sjellë sa më shumë fat, harmoni, gëzim dhe lumturi në familjet e tyre.
“Kam kënaqësinë t’jua përcjellë urimet më të përzemërta me rastin e festës së Krishtlindjes, mbarë komunitetit katolik të komunës së Vitisë.
Uroj që harmonia dhe solidariteti të dominojnë kudo në mesin e besimtarëve dhe të njerëzimit mbarë” ka thënë Haliti./rajonipress/